చాలా మంది విషయం తెలుసుకోకుండా, వివరాలలోకి వెళ్లకుండా, సందర్భాన్ని అనుసరించకుండా, మన మాటల ప్రభావం చుట్టూ వున్న వారిపై ఎలా ఉంటుందో ఆలోచించకుండా, వారికిచ్చిన గౌరవాన్ని, స్వేచ్ఛను కాలదన్నుకొనే విధంగా.... ఏదంటే అది, ఇష్టం / నోటికి వచ్చినట్టు మాట్లాడేస్తుంటారు... పైగా మొండిగా, మూర్ఖంగా తా పట్టిన కుందేటికి మూడే కాళ్ళు అంటారు. వారు చెప్పేది ఒక్కోసారి మంచికే (చాలా తక్కువ శాతం మాత్రమే ఉంటుంది అనుకోండి) అయినా చెడ్డ లానే కనిపిస్తుంది, సమస్యను పెంచుతుంది, ప్రతికూల భావనలను కలుగచేస్తుంది తప్ప, పనికొచ్చేది ఏమి ఉండదు.
*పైగా ఇవన్నీ కవర్ చేసుకోవడానికి నాకు లోపల దాచుకోవడం తెలీదు, ఏదైనా ఇలా పైకి చెప్పేయడం అనే వెధవ కవరింగులు. తమ లోపల ఉన్న భావాలను వ్యక్తపరచడం తప్పుకాకపోవచ్చు, కానీ దానిని ఇష్టం వచ్చిన రీతిలో నోటికొచ్చినట్టు వ్యక్తపరచడం తప్పు. ఎందుకంటే మన మాటే మన ప్రపంచాన్ని సృష్టిస్తుంది కాబట్టి. అందులోనూ ఎవరైనా ఈ వ్యాధిని ఇట్టే పసిగట్టేయవచ్చు.*
వారి వారి వ్యక్తిగత, వృత్తి పరమైన జీవితాలలో ఇది మంచిది కాదు అని తెలిసినా, దీనివలన ఇబ్బందులు కలిగినా, ఆ దుర్వ్యసనం నుంచి బయటపడేందుకు ప్రయత్నించక.. మేకపోతు గాంభీర్యం ప్రదర్శిస్తూ, ఇతరుల పై నిందలు వేస్తూ తిరిగేస్తుంటారు. వీరి జీవితాన్ని ఎవరు బాగుచెయ్యలేరు, ఎందుకంటే ఎవరూ (95%) వీరి నోట్లో నోరు పెట్టడానికి పూనుకోరు. ఈ రకరకాల సమస్యల వలన వారికి దగ్గరగా, వారి చుట్టూ ఉండే వారు కూడా వారికి, వారి మాటలకి అంత విలువ ఇవ్వరు. పోనీ వీరి మానసిక స్థితిని అర్ధంచేసుకోని, ఇవన్నీ భరించి వారికి ప్రాముఖ్యతను ఇచ్చినా... వీరు మారకపోగా, అవకాశం ఇచ్చి, భరిస్తున్న వారికి ఏమి తెలీదు నాకంటే గొప్పోడు లేడు అని విర్రవీగుతుంటారు.
హృదయలోతుల్లోంచి, జీవిత అనుభవాల్లోంచి, మదిలో మెదిలే భావాల సంపుటి....నా అంతంలేని ఆలోచనల తరంగం, అదే *నా అనంతరంగం ౼ అమ్మ శ్రీనివాస్*
2018/03/05 06:47
http://ammasrinivas4u.blogspot.in/search/label/1.%20నా%20రాతలు%20%2F%20My%20Writtings?m=0
https://www.facebook.com/sreenivasaprasadrao.sarvaraju/posts/1565522236816600
