మీరు నిజంగా చురుకైన వ్యక్తా ? పరీక్షించుకోండి?

**

చాలా మంది తమను తాము కష్టపడి పని చేస్తామని, నిజాయితీపరులమని, చురుగ్గా ఉంటాము కానీ మమ్మల్ని ఎవరు ఎవరూ పట్టించుకోరు, మెచ్చుకోరు, అర్ధం చేసుకోరు అని భావిస్తారు. ఇది వాస్తవమ లేక మనం ఊహించుకుంటూ ఉన్నామా మనకు తెలియదు.

*మొదట మీరు మీకు ఇచ్చిన పనిని పూర్తిచేసారో లేదో చూసుకోండి. మాములుగా పూర్తి చేస్తే మీరు అందరిలో ఒకడిలా పని చేసినట్టు మాత్రమే....అదే పనిని మీరు సంతృప్తికరంగా, బాగా చేస్తే అప్పుడు మీరు చురుకుగా పనిచేసినట్టు. అప్పుడు అందరికంటే ఎక్కువగా మిమ్మల్ని గుర్తిస్తారు, గౌరవిస్తారు, పట్టించుకుంటారు, మెచ్చుకుంటారు.*

కాబట్టి మీ పనులను మీరే పరీక్షించుకోండి.... మన స్థాయి మనకు తెలిసిపోతుంది కదా.....

సోర్స్ : నాయకత్వం గురించి ఉన్న కొన్ని పుస్తకాల ఆధారంగా...

మీ అమ్మ శ్రీనివాస్
2017/07/10 20:31

పుస్తకాలు ఎలా చదవాలి (ముఖ్యంగా వ్యక్తిత్వ వికాసానికి, నాయకత్వ లక్షణాలకి సంబంధించినవి

మనం చాలా సార్లు  మంచి పుస్తకం కనపడగానే కొనేస్తాం... వీలైనప్పుడు చదువుతూ ఉంటాం...

కొంతమంది కనపడగానే వెంటనే ఒకే సారి లేక 2,3 రోజులలో దాని పని పట్టేస్తారు..

కానీ నా ఉద్దేశ్యంలో పుస్తకాన్ని చదివేటప్పుడు అన్ని విషయాలను (ముఖ్యంగా అందులో మంచి విషయాలను) మన జీవితంలో పోల్చి చూసుకోవాలి. మనం పాటిస్తూన్నామా ? లేదా? పాటించడానికి ఏమి చెయ్యాలి ? పాటిస్తూ ఉంటే ఎలాంటి ఫలితాలు వస్తున్నాయి? అక్కడ ఎలా వుందో అలానే పాటించాలా లేదా కొన్ని చిన్న చిన్న మార్పులు చెయ్యాలా? *ఇలా చదివిన దానిని మన జీవితానికి పోల్చి చూసి లేదా మన చుట్టూ వున్న వారి జీవితాలతో పోల్చి చూసుకుంటూ చదివితే...అది నేర్చుకొని, వంట పట్టించుకోవడం అవుతుంది....*

అమ్మ శ్రీనివాస్
www.aswa.co.in
9948885111

సేవ నా ఒక్కడి తృప్తి కోసమా - నా దేశం కోసమా...

తన తృప్తి కోసం సేవ చేసేవారు తాను మాత్రమే (గొప్ప పనైనా) వంటరిగా చేసుకుంటూ పోతారు. వారి ద్వారా వారికి దగ్గరైన వారు ఎవరో కొంత మంది మాత్రమే ప్రేరణ పొందుతారు.

కానీ *దేశం కోసం సేవ చేసే వాడు, సేవ చెయ్యాలనే గొప్ప తపన కలిగిన వారిని మరికొంత మందిని తయారు చేసి, ఈ దేశానికి అందిస్తారు.* ఎందుకంటే ఒక్కరే చేసేది చాలా పరిమితం, ఎవరో కొంతమందికే అందుతుంది.తన లాంటి వాళ్ళను తయారు చేయగలిగితే, వారు కూడా మరి కొంత మందిని తయారు చెయ్యగలిగితే... దేశంలో ఎక్కువ మందికి సేవ చేయవచ్చును.

భగత్ సింగ్ చనిపోతే, మరో భగత్ సింగ్ పుట్టలేదు.. కాబట్టి మనం వ్యక్తిగా కాదు, మర్రి ఊడలలాగా పాతుకుపోయే బలమైన వ్యవస్థను /వ్యవస్థ లాంటి మనుష్యులను తయారుచేసి దేశానికి బహుమతిగా ఇవ్వాలి.

*నాయకత్వ లేమి సంఘానికి శ్రేయస్కరం కాదని తెలిసినవారు సరైన నాయకుడికోసం వెదుకులాడుతున్నారు....కాబట్టి నీలో వుండే నాయకుడిని నిద్ర లేపు నేస్తమా, పనులు చెయ్యడంతో పాటు, 10 మందిని తయారు చేయడం గురించి కూడా ఆలోచించు మిత్రమా.....*

నా రాతలు మరిన్ని చదవాలంటే దయచేసి కింద లింక్ క్లిక్ చెయ్యండి
http://ammasrinivas4u.blogspot.in/search/label/1.%20నా%20రాతలు%20%2F%20My%20Writtings?m=0

అమ్మ శ్రీనివాస్
www.aswa.co.in
9948885111
2017/07/22 01:04