వెనక్కి
తగ్గిన
బాణమే
దూసుకెళ్తుంది
వెనకడుగైనా
విజయానికి తొలిఅడుగే ......
**********************************************************
అంతులేని
అనుభవాలు
మరువలేని
అనుభూతులు
గుప్పెడంత గుండెకు
బోలెడన్ని చప్పుళ్ళు.......
********************************************************
ఎటుచూసినా
తేనె
పూసిన
కత్తులే
ప్రశ్నించేవాడెప్పుడూ
పిచ్చోడే ! ..........
*********************************************************
కోట్లు
కూడబెట్టి
కునుకులేని
బ్రతుకు
బూడిదలో
పన్నీరు ...........
********************************************************
వేలాది
సైన్యం ఓ ప్రక్క
తోడుగా
నేస్తం మరోప్రక్క
సైన్యం వెనుదిరిగినా
స్నేహం నిన్ను వీడదు...
***************************************************************
కొనుక్కున్న
సన్మానాలు
అనవసరపు
ఆర్భాటాలు
ఖాళీ డబ్బాలో
రాళ్ళమోతలు..........
**************************************************************
రెక్కలు..........ఇది ఓ కవితా ప్రక్రియ!
నేనేంటి ఈ కవిత్వం ఏంటి అనుకుంటున్నారా!!
కామెంట్‌లు లేవు:
కామెంట్‌ను పోస్ట్ చేయండి