బేధాభిప్రాయాల నీడలు ఎన్ని వచ్చినామనల్ని కదిలించలేవని,
వాన చినుకులంత
స్వచ్ఛమైన చిరునవ్వుల్తో..
పగలే వెన్నెలలయ్యే మోహావేశంతో..
వెన్నెలలూ వేడనిపించే
కోరికల గాడ్పుల మధ్య-
అరుణిమలు నింపుకునే
తనువుల తన్మయత్వానికి
గాఢానుబంధనాల సౌఖ్యాన్ని జతచేస్తూ,
సాగే నిశ్శబ్ద యుద్ధంలో-
ప్రశాంతానుభూతిని గుండెనిండా నింపుకుంటూ
ఒకరి వెన్నంటి మరొకరుగా
మసలే మన జీవన ప్రయాణంలో
ఇరువురమూ ఒకరమేనని
ఒక్కటిగా కలిసిపోవాలని
మనస్పూర్తిగా కోరుకుంటూ...
ఇలాంటి పుట్టినరోజులెన్నో
మనిద్దరిమధ్యా జ్ఞాపకాలై
మధురానుభూతినివ్వాలని ఆశిస్తూ...
ప్రేమతో.....
ఎప్పటికీ-నీ నేస్తం
కామెంట్‌లు లేవు:
కామెంట్‌ను పోస్ట్ చేయండి