చాలా రోజుల తర్వాత (1 సంవత్సరం) సరస్వతి కరుణించి, ప్రశాంతంగా ఎప్పుడో రాసిన రాతలను పూర్తి చేద్దామని ఇదిగో ఇలా మొదలెట్టా......
ఆధునికీకరణ-నాగరికత అంటే .......
- మతిపోగెట్టే మత్తుపానియాలకు అలవాటుపడుతూ, వాటిని సేవించి ఏమి చెయ్యాలో, ఏమి చేస్తున్నామో తెలియని స్తితిలో తూలడమా? లేక
- అనారోగ్యకరమైన ఆహారపు అలవాట్లను, నిద్రా సమయాలను అలవరచుకోవడమా ? లేక
- అర్దరాత్రులవరకు తప్పతాగుతూ పబ్బుల్లో, బార్ లలో వినోదాలు, విలాసాలా? లేక
- అమాయకులపై యాసిడ్ దాడులా లేక కత్తులతో తెగ నరుక్కోవడాలా? లేక
- తెలుసుకోలేని వయసులో, ఆలోచన లేకుండా, అర్ధంలేని కోరికలతో, జీవితాలతో ఆడుకోవడమా? లేక
- 24 గంటలు T.V లకు, కంప్యూటర్ లకు లేక కృత్రిమ ఆనందాలను ఇచ్చే వాటికీ బానిసలుగా మారుతూ ...ప్రకృతిలో దొరికే సహజసిద్దమైన ఆనందాలకు దూరంకావడమా? లేక
- ప్రేమో,ఆకర్షనో...దేనికి ఎంత ప్రాముక్యత ఇవ్వాలో తెలుసుకోకుండా ....జీవితాలను మధ్యలోనే నాశనం చేసుకోవడమా? లేక
- ప్రతి చిన్న విషయానికి/కష్టానికి/బాధకు వోర్చుకోలేక, తట్టుకోలేక, వాటిని దైర్యంగా ఎదుర్కొనలేక ఆత్మహత్యలు చేసుకోవడమా? లేక
- డబ్బుకోసం అహోరాత్రాలు ఇల్లు, పిల్లలు, కుటుంబం, ప్రేమలు, ఆప్యాయతలు, బంధాలు, సంబంధాలు, అభిమానాలు, సంతోషాలు, సరదాలు లేకుండా జీవితాన్ని భారంగా, నిరాశ, నిష్ప్రుహలతో యాంత్రికంగా లాగదీయడమా? లేక
- మనకు జీవనాధారం ఐన ప్రకృతిని, సహజ వనరులను నాశనం చెయ్యడమా? లేక
- విలాసవంతమైన భవనాలు, మేడలు, అలంకరించబడ్డ భవన్తులా? లేక
- తల్లిదండ్రులపై, తోబుట్టువులపై నిర్లక్ష్యపు చూపులా? లేక విడిపోయి వంటరిగా సాగే చిన్న కుటుంబాలా? లేక
- దూరమవుతున్న సహజమైన సంతోషాలా? లేక పెరుగుతున్న బ్యాంకు బాలన్సులు, మానసిక వత్తిడులు, కృత్రిమమైన వసతులా?
- సంస్కారంలేని పెద్ద పెద్ద చదువులా? లేక
- పాత తరాల సాంప్రదాయాలకు, విలువలకు తర్పణం వదలడమా? లేక
- కులమతాలను రెచ్చగొడుతూ, కుళ్ళు రాజకీయాలను, అవినీతిని ప్రోత్సహించడమా?
అసలు అభివృద్ధి అంటే ఏమిటో మీరే ఆలోచించండి?
నా అనంతరంగం ...మీ అమ్మ శ్రీనివాస్...Started on 18th Sep, 2010
కామెంట్‌లు లేవు:
కామెంట్‌ను పోస్ట్ చేయండి