శేఖర్ కపూర్, ఏ ఆర్ రహమాన్ కలిసి Qyuki అని ఓ సోషల్ మీడియా వెబ్ సైట్ ప్రారంభించారు.
ఎలా ఉందా అని ఓ లుక్కేస్తే, ఇంటరెస్టింగ్ గానే ఉన్నట్లు అనిపించింది.
దీని ఉద్దేశం ముఖ్యం గా "కళా కారులు తమ సృజనాత్మక పనులను ప్రదర్శించుకొనేందుకు".
వీడియోలూ, ఫొటోలూ, సినిమా స్క్రిప్ట్ లూ, వీడియోలూ గట్రా దీనిలో పెట్టుకోవచ్చు.
అదృష్టం ఉంటే ఆయా రంగాలలోని ఎక్స్-పర్ట్ ల అడ్వైజ్ దొరుకుతుంది.
రాతగాళ్ళకి చేతన్ భగత్ సలహా దొరకవచ్చు. పాటగాళ్ళకి రహమాన్ అడ్వైజ్ దొరకవచ్చు, స్క్రిప్ట్ కి శేఖర్ కపూర్ అడ్వైజ్ దొరక వచ్చు. స్క్రిప్ట్ బాగుంటే శేఖర్ కపూర్ ఓ సినిమా కి స్క్రిప్ట్ ని అడగవచ్చు.
ఇది కళాకారులు తమ ప్రతిభను చూపించుకొని, పదునుపెట్టుకొని, నిపుణుల సహాయం తీసుకొనే ఓ వేదిక అని చెబుతున్నారు. కానీ ఈ వేదిక ఎక్కటానికి అందరికీ అవకాశం ఉంటుంది.వేదిక ఎక్కేది, "పది మంది కంటే ప్రత్యేకం గా కనపడటానికి". అందరూ వేదిక ఎక్కితే, వేదిక ఎక్కటం లో ప్రత్యేకత ఏమీ ఉండదు.
సైట్ ఎలా ఉంటుందో టెస్ట్ చేద్దామని నా ఫొటోలు కొన్నీ, వీడియోలూ, నా సాఫ్ట్ వేర్ ఇంజినీర్ కథలోని ఆంగ్ల తర్జుమా భాగాలు కొన్నీ ఈ సైట్ లోకి ఎక్కించాను.. లే అవుట్ బాగుంది. కానీ, ఆప్షన్లు తక్కువ. ఉదహరణ కి, మన వర్క్ ని ఎక్కించిన తరువాత, ప్రివ్యూ సదుపాయం లేదు. ఒక్క సారి పబ్లిష్ అయిన ఆవిష్కరణ ని మళ్ళీ ఎడిట్ చేయలేము.
వినియోగస్తులు, ఫొటోలూ అవీ చూసిన తరువాత, సంగీతం విన్న తరువాత, తమ భావోద్వేగాలను నమోదు చేయవచ్చును. టాగ్ చేయ వచ్చును. కామెంట్లు పెట్టవచ్చు. రికమెండ్ చేయవచ్చు. by
కామెంట్లు లేవు:
కామెంట్‌ను పోస్ట్ చేయండి