శోధన & నా మరో ప్రపంచం

 

శోధన

శోధన..శోధన..శోధన..శోధన..
కామాంధపు స్వాముల ఒడి లో...
అధునికతను అడ్డుగా పెట్టిన అసభ్య సంస్కృతి జడిలో..
కోల్పోతున్న "హైందవ సంస్కృతి" శోధన.

శోధన..శోధన..శోధన..శోధన
ధనానికే దాస్యం చేస్తూ...
సమాజ విలువలకు సమాధి కట్టే..
నవ్యప్రపంచపు జీవన గతిలో "మానవత్వపు" శోధన.

శోధన..శోధన..శోధన..శోధన
మతాలతోటి..కులాలతోటి కాష్ఠం వేసి...
జనాల బ్రతుకులు బుడిద చేస్తూ..
సమానతలకై సాధన చేసే జనాధిపతుల "సామర్ధ్యం" పై శోధన.

శోధన..శోధన..శోధన..శోధన
మూడు పదులలో మాయం అయ్యే...
అందంపైన మోహంతోటి...
అంగడి సరుకుగా మార్చేస్తూన్న "అమ్మ తనపు" శోధన.

శోధన..శోధన..శోధన..శోధన
అమ్మతనాన్ని, నాన్నతనాన్ని..
కాసుల త్రాసులో తూచేసి వృద్ధాశ్రమాలలో జమకట్టేస్తున్న..
తనయుల మదిలో "ఆత్మీయత" కై శోధన.

శోధన..శోధన..శోధన..శోధన
అంతంకాని వాంఛలతోటి..
అదుపే లేని ఆవేశంతోటి..
హత మవుతున్న యువత "మనశ్శాంతి" కై శోధన.

 

 

నా మరో ప్రపంచం

కావాలి నాకు మరో ప్రపంచం
మనిషిని మనిషిగా చూసె ప్రపంచం
కుట్రలు, కుళ్ళు లేని ప్రపంచం
స్వార్ధం, వంచన లేని ప్రపంచం
కులాల కక్షలు లేని ప్రపంచం
మతాల మారణ హోమం చూడని ప్రపంచం
ప్రాంతీయత భేదాలు తెలియని ప్రపంచం
కష్టించే వాడే రాజుగా ఉండె ప్రపంచం
ఆకలి కేకలు వినపడని ప్రపంచం
అనాధలు, అభాగ్యులు కనపడని ప్రపంచం
తలితండ్రులే దైవాలుగా సేవించే ప్రపంచం
పడతిని విలాస వస్తువుగా భావించని ప్రపంచం
స్నేహ, సౌహర్ధ భావాలు నిండిన ప్రపంచం
సేవా, సఛ్చీలత లే పదవులకు అర్హతలయ్యే ప్రపంచం
అవినీతి ఆగుపడని ప్రపంచం
అహింసనే వేదంలా భావించే ప్రపంచం
శత్రువుని కూడ మిత్రుడిలా మార్చే ప్రపంచం
కావాలి నాకు మరో ప్రపంచం

 

 

రచించినది అనిల్ కుమార్ చింతలపల్లి